Fitia resin-tory (Zoely Ratsimbazafy)

(solo vavy)

Aza dia teren’ny fo
Ilay fitia mbola matory
Mba avelao kely aloha
Tsisy mahamaika akory
Tsapako aho fa mbola kely
Mbola lavitra ny dia
Ka tsy maika velively
Ny hanandrana mitia
Mbola ho avy ny lohataona
Hitsirian’ny fitiavako
Any angamba vao hihaona
Izaho sy ilay ho havako

       ( refrain ) :
       Amin’izao fotoana izao aloha
       Ny tiako : dia ho namanao
       Mandrapahatafafoha ilay fitia anatiko ao

Hotiaviko ianao toy ny namako rehetra
Amin’izay angamba vao mba hifankahalala toetra
Ny kilema, ny hatsarana, hohitantsika avy hatrany
Tsy handiso fanantenana rehefa any aoriana any
Raha misy haratsiana azo hovana na ho zaka
Dia inoana fa any aoriana ilay fitia ho lalim-paka
  
        ( refrain ) :  Amin’izao fotoana izao aloha . . . . .
--------