Tsy mety afaka ao an-doha ('Zay)

Taona maro lasa izay,
tsy nihaonantsika izay
Saingy hatramin’zao aloha,
dia mbola tsy afaka ao andoha
Ireo natao teo aminao,
heno foana mihelohelo ao
Asa ianao raha hoatra ahy,
mbola mahatsiahy

Tsy hoe lafatra daholo,
ireo rehetra manontolo
Saingy tsapa fa mitoetra,
ireo fahatsiarovana rehetra
Ireo natao teo aminao,
heno foana mihelohelo ao
Asa ianao raha hoatra ahy,
mbola mahatsiahy

Na ireo vazivazy izay fanaonao
Mandalo foana ao an-tsofiko ao
Na ireo adiady izay nandratra ilay fo
Mbola reko avokoa, tsy mety afaka ao an-doha

Mahatsiaro ka miverina,
ireo tsiky sy ireo sento
Fa tsy ho averina intsony,
ilay tantara izay efa nikoa
Ireo natao teo aminao,
heno foana mihelohelo ao
Asa ianao raha hoatrahy,
mbola mahatsiahy

Na ireo vazivazy izay fanaonao
Mandalo foana ao an-tsofiko ao
Na ireo adiady izay nandratra ilay fo
Mbola reko avokoa, tsy mety afaka ao an-doha
--------