Mivalo (Telofangady)

Ry nahitako masoandro hifonako ny ditrako e
E e e, mbola be ireo adidy tsy vitako a !
Ry nahitako masoandro hifonako ny ditrako e
E e e, mbola be ireo adidy tsy vitako a !

Fa verivery foana tamin’ny filibana mantsy ny fotoanako
Izany mantsy no neveriko ho ambony tamin’ny fiainako

Kanjo tratry ny aloka anie aho
Fa nifidy lalam-baovao
Izay noheveriko mba ho tsara
Kanjo naha kizo fara

Aiza ve ka ny fisotroana o
aiza ve ka ny filokana
indrindra fa ny fijangajangana
no notompoina e !
Aiza ve ka ny fisotroana o
aiza ve ka ny filokana
indrindra fa ny fijangajangana
no notompoina e !

Na ny fahazazana
Na ny hatanorana e
Tena nisy fahabangana
Lany tamin’ny hadalana

Izay mantsy vao tsaroako ilay fitenin-drazana  manao hoe :
"O ry zalahy ireto a !
Raha tanora ratsy fihary anie
Antitra vao ratsy laoka e"

Tsy hanao intsony re aho
Avelaonareo re aho
Ho tsindrio fa lavo ve aho
Fa mifona mivalo re fa diso
Avelaonareo anie aho
Efa niova hevitra anie aho
Fa ho reharehanareo
Ry Ikaky sy Ineny
Avelaonareo anie aho
Efa niova hevitra anie aho
Fa ho reharehanareo
Ry Ikaky sy Ineny
--------