Aiza no misy (Ny ravin'oliva)

(Nalaina tao amin'ny tononkira.serasera.org)
Aiza no misy
Toerana sambatra no sady maharitra
Aiza no aleha
Raha manjombona ny ety toa fasana

Izao tontolo izao dia mamitaka
Hitondra anao any am-pasana
Izay lasany any tsy mba miverina
Koa tsy aleoko ve,koa tsy aleoko ve tsy mandeha

Aiza ilay sandry
Mba hamikirako raha sendra tafiotra
Aiza ilay feo
Mba hampionona ahy raha avy izay manjo

Mba ho mpandresy sa hitolefika
Amin'ny adin'ny fiainana
Ka ho tafita sa dia ho rendrika
Potraka an-dalana,tsy afa-miarina fa babo

Raha mitomany ianao
Aza misento fa ho avy ny tomponao
Raiso ny valia sy ny gitara
Ka asandrato ny hiranao

Moa efa akaiky sa mbola lavitra
No hitsaharan'ny diako
Ka handovako ilay tsara lavitra
Jerosalema soa,tany sy lanitra vaovao

Ny eto antany
Tsy ho ela intsony izao dia ho atao fandrehitra
Ny afon'ny Avo
Tsy mba ho faty fa handoro ilay satana

Ny ranomasonao dia ho foana
Ny alahelo tsy hisy koa
A/tra ao hanazava anao
Ka dia ho sambatra,eny ho sambatra ho doria
--------
Rohy:
Hametraka hevitra
Midira aloha
Momba ny hira
Mpihira : Ny ravin'oliva
Vangy : 2885
Mpankafy : 1 Ankafizo
Nampiditra : tolotra23
Daty : 27/12/2017 10:35
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.2848