Valin'ny ditra (Mage 4)

Valin’ny ditra

Toa valin’ny ditrako angamba
Izao fahoriana izao
Matoa aho
Tsy mety mahita toa jamba
Ilay hoe fiadanana

Rehefa nilaozany irery aho
Nandritra izay ela izay
Nihamaivana
Ny vesatry ny harena hatrizay
Noentin’ny hadalana avokoa

Raha tsisy azo atao
Aleo mihira hoe …

Anatra natao ahy ny omaly
Ka tsy hiverenako intsony
Mijaly aho
Raha toa ka minia tsy hahita
Izao fahantrana izao

Niezaka ihany aho hitady
Hamerina ireo izay very
Tsy tantiko
Raha ho taraina ny ampitso
Ka ho tantara feno hakiviana

Raha ts’isy azo atao
Aleo mihira hoe …


Mage 4
--------