Taratasy farany (Mage 4)

  Nangina hatramin'izay,irery lay fitia
  Hadinonao sahady ny taloha
  Niandry ihany aho sao handray avy aminao
  Taratasy iray hampionona
                
               Lavitra mampisy ny olana hoantsika
               Asa raha mahatsiaro ahy ianao
               Niaritra ny hatsiaka sy ny orana mikija
               Ny embona no tsy mahasaraka ahy
               Fa ny eritreritro mandaha,ny ao am-poko toa tsy sahy
               Tsy tia hisaina ny hoe voafitaka aho...

  Matoa aho nankaty tsy handositra fitia
  Fa hanomana ho anao ny fiaianana
  Matoa ianao minia tsy hamaly intsony koa
  Dia taratasy farany ity

               Miandry ny ela hoy aho toa hoaritro eny ihany
               Manina ny tsy tia no mampijaly
               Ny ankany izay nomaniko raha toa tsy andrinao
               Dia mahità ny mendrika ary ianao
               Fa hanova indray ny ampitsoko aho
               Hiaina lavitra anao
               Hanandrana aho raha zay no sitrakao...

              Hanova indray ny ampitsoko aho
              Hiaina lavitra anao
              Hanandrana aho raha zay no sitrakao...

  Mage4 (2004)
  Album: Lavitra
--------