Divorsa (Jeneraly)

Indreo koa ianareo izay nankalaza ny raharahanay
Nihoby, nandeha nilalao, telo taona lasa izay
Asainay ianareo anio hiara-hifaly indray
Ho mariky ny fo madio fa hisaraka izahay

Mbola arak’izany ary, fifaliana ihany no handraisantsika izany
Akaro ny vera dia mandihiza Paso mihetsiketsika ho’aho
Fisaraham-panambadiana no ankalazaina
Akaro ny vera dia mihetsiketseha Paso Boté

Asainao ihany koa ianareo ho eny amin’ny fitsarana
Hanatrika ny famonoana ny anaranay sy malala
Na ho kortezy lavabe aza dia isaorana mialoha
Porofo fa ianareo dia tena namanay tokoa

Mbola arak’izany ary, fifaliana ihany no handraisantsika izany
Akaro ny vera dia mandihiza Paso mihetsiketsika ho’aho
Fisaraham-panambadiana no ankalazaina
Akaro ny vera dia mihetsiketseha Paso Boté

Kanefa dia mbola tsy  hadino, eny tsy hadino ihany koa
Ny niarahantsika tany am-piangonana toy ny natao  taloha
‘Lay eny zay nifanaovanay dia hovainay hoe tsia
Tsy mpivady ‘tsony manko izahay fa efa ritra lay fitia

Mbola arak’izany ary, fifaliana ihany no handraisantsika izany
Akaro ny vera dia mandihiza Paso mihetsiketsika ho’aho
Fisaraham-panambadiana no ankalazaina
Akaro ny vera dia mihetsiketseha Paso Boté
--------