Falifaly (Henri Ratsimbazafy)

Vao manomboka ny sekoly,
miasa lava izao,
Tsy mba afaka miala voly
na mba milalao.
Indraindray anefa moa
tsy mianatra ihany koa
andro iray na roa.


        Hatrizay aho dia irery,
        tsy mba very dia,
        singan’olona ka toa very,
        tsy manan-tia
        Kinanjo indro zazalahy,
        bikana, tsara fanahy,
        no manantona ahy.

Indray andro tsy anilanao
toy ny ela be,
tsy ahitako izay atao
na izay aleha.
kanefa ao anatiko ao
misy aingam-panahy vaovao
vao mahita anao.

Ref.

Midoboka ny foko
FALIFALY
hira no kaloiko
FALIFALY
rebika ny saiko
FALIFALY
kalo no hiraiko
FALIFALY


Henri RATSIMBAZAFY  1969
--------