BORAHIKO (FEFI)

        BORAHIKO

1-  Borahiko eo aminao Tompo ô!  
     Ny hetaheta ao anatiko ao     
     Tery mafy aho ka hiantoraka aminao
     Sao mba misy re azonao hatao
         Hoy Hianao : ” Izay manatona Ahy ”
        “ Tsy mba nisy na iray nolàviko ”  
        “ Na mpanota tena raindahy ”
        “ Tiako ho trotroina eo an-tratrako “  

    2- Moa ve hataonao ho tsiniko  
        Raha miondrika eto an-tongotrao
        Ho lazaiko anao ary dia ambarako
        Fa mandifotra tokoa ny otako
             Hoy Hianao ...

  3- Tsy ahoako akory ny henatra
       Raha toa  hivolana  aminao
       Voageja mafy aho Ka mila Anao
       Hanafaka ahy amin’izao ora izao
             Hoy Hianao ...

  4- Tsapako ankehitriny Ray
       Renao ny sento sy ahiahy
       Antenaiko Tompo Inoako fatratra
       Fa ho foana hatreo ‘zay nampijaly ahy
            Hoy Hianao...      

            Pasteur Sacha "NEPM-FPVM La Réunion"            
--------