Ilay vehivaviko (Jeneraly)

Lasan’olon-kafa ’lay vehivaviko
Lay saika,andrindrandrindra ny ho aviko
Na izany aza,tsy tiako ny hiverenany
Fa naleko nanadino ny aminy.

            Na dia taitra, dia mody tsy taitra,
            fa sao lazainy hoe, tatajaitra
            Tsikitsiky lalan-dava, miran-dava
            Na dia voa,dia mody tsy voa
            fa voa maika hadola ny loha
            Tsy mitanondrika na kivy,fa be ny ankizy

Indraidray aho anefa mahatsiaro ihany
mahatsiaro ireo kilalao,ela tany
Tsy tiako intsony anefa, ny hamerina indray
fa izay vita,naman’ny vita dia ampy izay

           Na dia toro,dia mody tsy toro
           fa kely ihany dia tsy maitsy mijoro
           Tsy mitaraina velively, na kely dia kely
           Na dia simba, dia mody tsy simba
           Fa mandray rano amin’ny zinga
           Kotsakotsaina re ny loha, dia tony ny fo

Hiverina indray hono, lay vehivaviko
ho raisiko ve sa kosa, ho laviko
Vao tonga izy dia nakeny am-parafara
avy hatrany dia napetrako ny gitara

            Na dia ilaiko, dia mody tsy ilaiko
            fa somary ampifilafilaiko
            Herinandro vao nitranga, lay vehivavy janga
            Na dia tsy tiako dia mody mba tiako
            Fa avy eo dia ariako
            Tsisy intsony ilay fitia,fa zory ny dia.
--------