voninavoko (Vola sy Noro)

(Nalaina tao amin'ny tononkira.serasera.org)
Manonja, toy ny onja
Izany fahatsiarovana izany
Tonga dia mirintona
Miverinberina eo ihany

Fa ranomaisina iny, he mangeniheny
Ny saiko lasan’iny, sadaikatra hiteny
Mahita itony pejy sy ny anaranao
Voasoratra ao, sy ao am-poko ao
Nandoro nahamay ny masoandrontsika
Nifanjo ho iray ny diatongontsika
Ny sisa izay tavela mieloelo ao
Akon’hira ela hatrao anatiko ao.

Tsiaro mifangaro, zava-maromaro
Tonga ao an-tsaiko ao

Eny fa hatraiza
Izany fahatsiarovana izany
Mangaina ny tontolo
Mipitrapitra eo ihany

Fa tany karankaina, no manoloana eto
Voary savolaina torovandrovan-tsento
Ny manodidina ahy voajeriko avokoa
Mitady ny fanahy niainana taloha.
Hitako ao ihany ilay hazo mamintsika
Voasoratr’amin’izany ireo anarantsika
Miverina mangina ao an-tsofiko ao
Ny tafam-pifaliana avy eo imolotrao

Tsiaro mifangaro, zava-maromaro
Tonga ao an-tsaiko ao

Fa tany karankaina, ny manoloana eto
..
--------
Rohy:
Hametraka hevitra
Midira aloha
Momba ny hira
Mpihira : Vola sy Noro
Vangy : 9195
Mpankafy : 0 Ankafizo
Nampiditra : dd
Daty : 31/12/2006 12:17
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.4982