EMBONA SY HANINA (Mahaleo)

(Nalaina tao amin'ny tononkira.serasera.org)
Embona sy hanina,
Tsy hay mahafanina
Ngoly ny fo mamelovelo,
Madisadisan’alahelo.

Ny havoana tazanina,
Tsy hita ho dinganina
Fa lavitra loatra ianao ka tsy tratra
Ny aina marary ny fo maratra.

Fa ny antsoko ny akony no mitampody
Mba nihiaka mafy anie aho fa tsy tody
Izay jereko manjavozavo
Tako-drahona sy vohitra avo.

Fa mahery sy masiaka ny onja
Tsisy lakana mety afaka hitondra
Ny saina no alefa maminany
Hibanjina anao any ho any.

Alahelo sy toloko,
rehefa injay tsaroko
Fa noho ny hasomparan’ny tany ,
Izaho aty ianao lavitra any

Tsy azo hiadiana ny anjara,
’zay ngamba no noheveriny ho tsara
Izaho tsy ho kivy tsy ho ketraka
Na dia mangidy mavesatra.

Fa ny ahy dia fitia tena marina
Na anaty onaona aza ho tafarina
Na halevina mety mandifotra olona
Hipetraka haniry hamololona.

Ny hany hafatro dia ny hoe matokia
Fa izaho tsy hitsahatra ny ho tia
Ny halavirana sy ny taona
Tsy hahasakana antsika tsy hihaona.
--------
Rohy:
Hevitra
shafira ( 19/06/2019 12:37)
ny saina no alefa maminany.izay ngamba no izy kanefa tsy fantatro aloha na izay no version taloha e,efa misy azy nahitsiko kely any,mankasitraka antsika jiaby.
Hametraka hevitra
Midira aloha
Momba ny hira
Mpihira : Mahaleo
Vangy : 52052
Mpankafy : 4 Ankafizo
Nampiditra : istraky
Daty : 04/02/2008 09:30
Hihaino

Mbola tsy nisy nampiditra hira

Hampiditra
© serasera.org 1999 - 2024 - page load 0.0739