Retsiana (Tsiakoraka)

Retsiana o, Retsiana o
Lavitry ny akany noho
Ny kely ananako aho no ahiratro
Mihevin-dava, lasan’embona e
Arahin-tsento ka mivetso, manina mangina o

Ry lahy o, reroy o
Tsy manadino fa
Mahatsiaro ny andro niarahana o
Niara-namindro donak’afo
Niara-nizaka ny mavesa-danja tsy hay ahilika o

Lavitra anareo nefa vano saraka ny akany
Mahandrasa fa mbola hihaona ihany
Fa sanatria tsy hanao fitiavana paraky
Ndeha hanainga rehefa injay mila tsy ho tanty

Ry folak’andry niankinana o
Tsy hitsipa doha laka nitana anie aho, fa mbola hody
Avezivezin-dravin'ahitra
Mandranto mamy sy tantely
Ho soa mba ho anareo

Ry nitehirizako ny bitsiko o
Tsy hitady akanga tsara soratra aho
Fa mbola ho  avy
Lavitra anao k' injay miritsoka e
Ny feom-baliha manako ao am-poko
Efa ditsoka o
--------