SALAMO 145 (HANITRA NENTIN-DRAZANA)

Miantra sy be indrafo ny Tompo
Tsy malaky tezitra fa be fitiavana
Tsara amin’ny olon-drehetra ny Tompo
Be indrafo amin’ny asany rehetra
Ny Tompo no manohana izay rehetra ho lavo
Mampitraka izay rehetra mitanondrika
Marina amin’ny lalany rehetra ny Tompo
Be fitiavana amin’ny asany rehetra

Resahina ny fanjakanao be voninahitra
Ary tenenina ny asanao mahery
Mba ho fantatr’olona ny asanao mahery
Sy ny fanjakanao be voninahitra malaza
Mifantoka aminao ny mason’izao rehetra izao
Fa manome sakafo ara-potoana
Manokatra ny tananao Ianao
Ka mamoky zava-tsoa ny miaina rehetra

Tompo ô, midera Anao ny asanao rehetra
Misaotra Anao ny mpivavaka aminao
Aoka izy hiventy fahatsiarovana
Ireo asa soa lehibe nataonao
Ary hihoby ny fahamarinanao
Aoka ny vavako hiteny fiderana ny Tompo,
Ny voahary rehetra anie hankalaza ny anarany masina
Mandrakizay, mandrakizay

Lehibe ny Tompo mendri-piderana fatratra
Tsy takatry ny saina ny halehibeazany
Ny Tompo dia eo akaikin’izay rehetra miantso Azy
Dia izay miantso azy marina tokoa
Manao izay irin’ny manaja azy ny Tompo
Ary mihaino ny taraina ka mamonjy,
Ny Tompo miambina izay rehetra tia Azy
Ny olon-dratsy kosa aringany avokoa

Feony: ROBERT
Tonony DIKANTENY IOMBONANA ETO MADAGASIKARA
--------