AZA ATOSITOSIKA (HANITRA NENTIN-DRAZANA)

(Nalaina tao amin'ny tononkira.serasera.org)
1° Raha nakarin’ny vintana ianao re sombinaina
     Dia aza miavonavona
     Aza atositosika ireo havana mahantra
     Tolory fitiavana
     Raha nanolotra ny ainy anie ilay Tompontsika
     Tsy mba nanavakavaka
     Ny maditra sy ny meloka aza ts’isy izay nariany
     Notadiaviny ka avotra

2° Jesoa Ilay Mpiandry tsara no indro miantso antsika
    Mba hifankatia ô!
    Izy irery re no lalana ho famonjena antsika
    Aza mihemotra avia ô!
    Tsy mba misy fanavahana mitovy anie isika
    Mandrosoa ka matokia ô!
    Tsy misy ho voatosika na very sanatria
    K’aza miahotra modia

4° Natolony ny ainy ho ahy sy ho anao
     Fitiavana an’izany e!
     Nalatsany ny rany ho an’izao tontolo izao
     Ho menaky ny tany e!
     Napetrany ny hafatra fony izy raha nandao
     Mifankatiava hatrany ô!
     Moa ve nihaino izany izaho sy ianao?
     Mba mihevera ihany ô!

3° Raha napetrany ho Mpiandry hanohy izany isika
    Tsarovy re tsarovy ô!
    Aza ahilikilika ireo ondry izay maditra
    Arovy ka arovy ô!
    Aza ilaozana milefa na avela ho kamboty
    Tantano ka vonjeo ô!
    Mbola mety hanao kambana anie ‘reo ondry botry
    Diniho ka mba jereo ô!



                                                  RAKAZY
                                                  Avril 2004
--------
Rohy:
Hametraka hevitra
Midira aloha
Momba ny hira
Mpihira : HANITRA NENTIN-DRAZANA
Vangy : 2585
Mpankafy : 0 Ankafizo
Nampiditra : naritsimba
Daty : 26/03/2004 03:25
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0743