ANDEHA HIOVA FO (HANITRA NENTIN-DRAZANA)

1- Raha tonga ny fetin’ny niavian’ny Tompo
    Sy  taom-baovao
    Faly ravo daholo ny olon-drehetra
    Lazaiko anao
    Ao ’reo mitotorebika, revo mandihy
    Na koa milalao
    Na ny akanjo fitafy aza niala ny teo
    Fa nahazo vaovao
    Dia mamonjy fiangonana
    Handeha mba hidera ny Tompo
    Mba hifona sy hibebaka
    Hanadio ny fo feno loto
    Mitaraindraina
    Manandratra vavaka sy mitalaho
    Ry Jesosy Tompo ô!
    Raiso fa tonga ity zandrinao

Isan’andininy:

Tompo ô! Tompo ô!
Tsy lamba sy akanjo
Tsy vola sy harena, kiraro vaovao
No entinay midera sy handeha
Hanome voninahitra anao
Fa fo feno otan’ny zaza nania
No inty mitalaho
Ny andron’ny fiainanay sisa
No indro atolotro anao

Tompo ô! Tompo ô!
Aza avela hangaina sy hipitrapitra
Izahay zandrinao
Na tsy mendrika aza, fa zaza maditra re!
Avelao
Ny fonay maloto efa vonon-kiova
Raiso hanjakao
Efa tontan’ny ota sy ditra natao
Ka soloy ho vaovao

2- Hatrizay dia nizotra
    Nandeha amin’ny lalana tsy izy ô!
    Tena ana sy reraka ankehitriny
    Ka dia kivy ô!
    Nanantena hiakatra
    Kanjo nanjary nidina
    Mba naniry ny hiarina
    Indrisy fa nitsingidina
    Fahazarana sisa
    Izany mandeha mivavaka
    Ny ao anatin’ny fo feno avona
    Sy mpanavaka
    Dia ny akanjo no amboarina,
    Ho tsara ety ivelany
    Nefa re bibilava mpamitaka,
    Roa ny lelany.

3- Raha ho avy ny Tompo
    Andeha re hidera namako ô!
    Amin’ny fo te-hiova
    Sy mahay mamela havana ô!
    Fa tsy misy marina isika
    Mpanota avokoa
    Ka, andeha re hibebaka
    Hiaraka hanadio ny fo
    Hiaraka isika
    Ka andeha re hifampitantana ô!
    Jesosy Tompo no tonga
    Hitari-dalana ô!
   Ny rano eny Ikopa no mavo
   Raha tonga havana
   F’Andriamanitra mamindra fo
   Tena be fitiavana

                                  

                                 RAKAZY
                         RODORODO 2004
                  HANITRA NENTIN-DRAZANA
--------