Hamindrao Fo (Antsan'i Fenomanana)

1-Fantatray Ray ny fitiavanao
Izay nandoro ny fo, namaivay tokoa
Nania izahay, naditra indraindray
Fa teo foana ianao Ray ô
Tsy nandao anay

Refrain: Fa marefo izahay
             Mora lavo ihany koa
             Ka mivalo aminao Ray ô
             Hamindrao Fo
             Ka tsy hanindroa, ho zaza manoa
             Hamindrao Fo

2-Renay ry Ray ny antsonao
Nandondona ny Fo, nibitsika soa
Tsy namaly izahay, ninia tsy nandre
Mbola indro ianao Ray ô
Tsy nanary anay

3-Faly izahay ry Ray manana anao
Miahy sy mangoraka
Nanangana ny efa potraka
Fa zaza mpandany niverina an-tranon-dRay
Efa nihosom-potaka
No indro nodiovinao

4-Ka indreto izahay mifaly havanja tokoa
Miantsa ho anao ry Ray mpamindra Fo
Fa nania izahay, naditra indraindray
Fa teo foana ianao Ray ô Tsy nandao anay
Mbola indro ianao Ray ô Tsy nanary anay
Fa ny fahasoavanao Ray ô no naha toy izao anay

Antsan'i Fenomanana    12 Mars 2017
A/C : RAZAFIMAHEFA Rado Nirina
Album 5 " Hihira ho anao "
--------