Tsara Andry (zanny)

Raha hihatsaravelatsihy
Aleo dia foanana
Ny mamitaka ny tiana
Dia fihetsika tsy hiavanana
F’izao dia tia ka mahatoky
Fa manana andry iankinana
Sy hiangotingotiana
Nefa voafitaka aho satria
F’ilay olon-tiana anie
Ka mpihatsaravelatsihy


Tsaratsara aloha ny mifandaho
Tsy misy maratra
Dieny mbola tsy hanenenana
Ny ampendeferina
Ilay fitiavana voaratra
Fa raha mitohy dia tsapa fa
Ho montsana ny amiko
Sy ny ho avy manontolo
Koa aloha hisinda kely
Ilay fitiavako dieny
mbola tsy bobongolo


Fa ianao tsara andry iankinana
Sy tanana mpanafosafo
Manga habakabaka hisidinana
Voatamby fitia mitafotafo
Koa mamela ahy
Mba hijerijery
Ny sahaza ahy
Sy tsy hamery
Ity fahantrako eo
Andalam-pivoarana
Ny ngidim-piainana
Tsy azo anoharana
Koa andeha re
Fa tsaratsara ho antsika
Ny mifandao


A/C ZANNY sep 1982
Interpreter par Tarika Hasina / Lucien Randrianina
--------