Ho ahy (Willah)

Efa lalimpaka ato am-poko ilay fitia
Ka aza avelanao hangaina irery
Fa raha toa ianao no mbola miahiahy
Ny hivadika aminao sanatria

Ho tsapanao fa tiako ianao
Tiako ianao ary ho doria
Tsy hifandao, tsy kilalao
Tiako ianao koa dia matokia

Ilay ora sy fotoana izay tsy ahitako anao
Tsaroako ho very an-tany efitra aho
Ireo hira kalokalo izay fanaontsika roa
No hany sisa mampitony fo

Ho tsapanao fa tiako ianao
Tiako ianao ary ho doria
Tsy hifandao, tsy kilalao
Tiako ianao koa dia matokia

Ho sasatra eo ireo mikotaba
Mikasa ny hanimba sy handrava
Fa reko tsapako ato anatiko
Ilay fitia tsy mety ho maty, hei, heiiii..

Ho tsapanao fa tiako ianao
Tiako ianao ary ho doria
Tsy hifandao, tsy kilalao
Tiako ianao koa dia matokia
--------