haleloia (VHF)

HALELOIA
HAleloia (3) oh Amen – (2)-
Ity tanintsika ity tsy misy tafapetraka ela ety
Fa tany fandalovana ity
Fa ny tena fonenana any an-koatra any
Rehefa tonga ny antson’ny Ray
Dia tsy maintsy mody amin’izay
Tsisy azo anaovanao be marenina hoe
Maditra aho ka tsy azo tenenina

Aleloia (3) oh Amen – (2)-
O mihobia miderà mifalia ary mankalazà
An’ilay Jehovah tompon’ny maro
Andramo ka zahao fa tsara izy

F’izao tinazana rehetra izao
Dia hody vovoka sy ho lao
Ity tany tsisy azo ianteherana
Fa any an-danitra any no tena fonenana
Ny taona iainana efa voaisa
Fenoy fitiavana ny andro sisa
Tsy misy mahay ody faty
Fa mikipy ny maso rehefa lany daty
Lany daty

Ndao hifona hitalaho
Mba jereo ity zanakao ory very toa zaza nania
Miantso Anao ry Ray be fitia

Indro misy didy vaovao
Napetraky ny Tompo ho ahy sy ho anao
Ny mba hifankatiavantsika tsara
Dieny mbola tsy tara tsy ho ratsy fiafara
Aza manjeny ny andro lava
Ny haizina dia hody hazava
Tsy hita akory dia mihelina ny andro
Sao dia variana aza mangataka andro

Aleloia (3) oh Amen – (2)-

O ry Ray mba jereo
Ndrao zahay lavo ka vonjeo
Mombà anay ry Ray be fitia
Mba tsy ho solafaka izany dia
Hamorony fo madio hanakaiky ny fanahinao
Zany lalako ahitsio hanaraka ny didinao

O mihobia miderà mifalia ary mankalazà
An’ilay Jehovah tompon’ny maro
Zahao fa tsara izy
Aleloia (3) oh Amen – (2)-
--------