Bazary kely (Ny Voanio)

(Nalaina tao amin'ny tononkira.serasera.org)
Ahitsio azafady

1- Ho aiza ‘ry ampela no mihaingo mirenty misendry misoratsoratra
Kasikasy famindra toa hamonjy fety somary miatoratoraka
'zato kavina jejo sy ireo volamena saronany satroka penjy
Manova ny bika ho tsara jerena toa akanga iray mikarenjy

Ho an’ny Bazary kely fihaonan’ireo mpianakavy
Hiarana zavatra kely hafangaro amin’ny hena matavy
Bazary kely ry lahy e, toerana mahavariana
Bazary kely misy vidiana toerana misy tantely

2- Ho aiza i madama no dodona mafy mihelo manelatselatra
Mitaingina posy, mivimbina tanty, somary mivelabelatra
Poketra vaventy sy ara-damaody alofany lamba manify
Reo lokon-tarehy somambisamby ravahany nify mitsiky

Ho an’ny Bazary kely fandalovan’ireo tsara bika
Hividy izay tena modely miampy gisa mikiakiaka
Bazary kely ry lahy e, toerana mahavariana
Bazary kely misy vidiana toerana misy tantely

3- Ho aiza rangahy manao dingan-dava no maika sy mientanentana
Manao lanja anivo sy manavatsava mitondra ‘ty enta-mavesatra
Anana maintso voafatotra vahy, voankazo masaka koa
Akoho amam-borona avy nafahy ao aoriana sy avy ao aloha

Ho an’ny Bazary kely hitondra ireo entam-barotra
Hilana zay tombony kely ho enti-mandresy ny sarotra
Bazary kely ry lahy e, toerana mahavariana
Bazary kely misy vidiana toerana misy tantely

4- Ho aiza ity fiara mpanao taxi, mitrena sy mirifadrifatra
Maketsy makatsy mandeha makery fihetsika mikitakitana
Mamoaka setroka dia mitsorika mitatitra ireto vahiny
Ireo mpiatsena mpameno sobika mitsiky eny amboniny eny

Ho an’ny Bazary kely mitady ny maro sy ireo vaovao
Indrindra ‘zay tena modely, fiainana anie ka tsy vita amin’izao e
Bazary kely ry lahy e, toerana mahavariana
Bazary kely tsy maintsy vangiana toerana misy tantely

5- Ho aiza ary mantsy iry havantsika amin’ny andro mitataovovonana
Sasa-dahasa ka mamikavika ny lala-mamonjy ankohonana
Nefa tazano fa mirezareza dia lasa mivily ao an-tsena
Ao izy mantsy no mamonjy seza satria satria toka-tena

Ho an’ny Bazary kely hotelin’ny tsy manambady
Masikita sy ny menakely ampiana rano dia vita ny ady e
Bazary kely ry lahy e, toerana mahavariana
Bazary kely misy hitsakiana toerana misy tantely
--------
Rohy: https://tononkira.serasera.org/hira/ny-voanio/bazary-kely
Hametraka hevitra
Midira aloha
Momba ny hira
Mpihira : Ny Voanio
Vangy : 5886
Mpankafy : 0 Ankafizo
Nampiditra : namena
Daty : 14/11/2010 11:52
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2023 - page load 0.0695