NY NISOLOANY ANAO (Ny Ako)

NY NISOLOANY ANAO

Ny nisoloany anao no niantonany
Teny ambonin’ny hazo ‘zay nijaliany
Dia noho ny heloko sy ny helokao
Ny niharetany eso, latsa koa,
Kapoka maharary, hetaheta mahamay
Dia noho ny otako sy ny otanao.

Moa avelanao ho latsaka an-tany ve ?
Ireo dinitra nalatsany sy ràny nitete
Fa ny ràny tsy nataony ho zavatra
Fa narotsany mba hanadio anao.

Raha lavinao anio ny antsony,
Hoy ianao rahampitso, rahampitso lava izao
Sao tsy ahatratra izany intsony ianao !

Moa ho lavinao anio ny antsony
Ka tsy hitsangana ianao handray ny tanany
Fa ny tanany mahery no hanafaka anao
Amin’ny ota izay mbola mibahana.

Ny nisoloany anao no nihantonany
Teny ambonin’ny hazo ‘zay nijaliany
Dia noho ny heloko sy ny helokao.
--------