NY HAFANY (Ny Ako)

NY HAFANY

Tonga izahay, hamangy anareo
Koa ny teninay dia arahaba

Manina izahay ka tsaroanay fa ny havanay
Lavitra nefa tiana ny mba hifankahita indray
Faly ny fo sy ravo tokoa fa mbola tafahaona
Ka voalohan-teny dia arahaba
Salama daholo va tompoko ô !

Manina izahay...
...
Manantitra indray ary ny arahaba
Salama daholo va tompoko ô !

Ny vaovao ‘zay entinay
Manina hono ka izao no teny
Ny fiainana eto an-tany dia toa zavona ihany
Tsy fantatra akory ny andro mety hiafarany
Anio ianao miaina, ampitso tsy hay lazaina
Koa mandiniha ihany
Manahy Izy mantsy ndrao tsy hisy intsony
Ny ahafahanareo mifandray e !

Ny fiainana eto...
...
Manahy Izy mantsy ndrao tsy hisy intsony
Ny ahafahanareo mifandray e !

Hafatra moa nampitondrainy
Mba ho anao izao no lazainy
Ela no niandrasany hono izay ho valin-teninao
Im-betsaka hono mantsy Izy no nilaza fa tia anao
Ny fonao rehetra, ianao manontolo tadiaviny daholo
Jesosy Tompo no miantso anao
Ka mba valio re izao

Hafatra ...
...
Jesosy Tompo no miantso anao
Ka mba valio Izy anio.
--------