Amboarako (Njara Marcel)

(Nalaina tao amin'ny tononkira.serasera.org)
Indramiko kely ny alitara androany
Misy afo mamay tsy hay vonoina any anatiko any
Anatrehan'i Ray sy ireo namana, fianakaviana
Tsy tanako intsony fa toa ranomasom-pifaliana!

Tazako avy eny am-baravarana
Lafatra loatra ny hatsaranao tsy azo sakanana!
Hifanaiky tsy an-kisalasala ilay voady sy dina
Hiaraka hilofo sy hanatanteraka ireo vinavina.

Ref:
Fa tiako, tiako!, tiako e!
Ilay tantaran-tsika ho lalaiko tsy hanam-paharoa.
Ho koloiko, tsy foiko, ho fihiniko e!
Ho mandra-maty sy ho lamban'akoho ny amin-tsika roa,
Ianao ilay amboarako.
....
Ilay foko naratra solafaka fahiny
Nozairinao toa tsy misy fery ankehitriny!
Ireo ranomaso miraraka re ee!!
Nofafainao dia navadikao fitiavana be.

Nandalo ny volana, arahana taona
Ny antsika roa dia nifikitra foana,
Volamenako ianao!
Na zavona maro narahana onja
Ny tamin-tsika dia mbola tsy niova,
Diamondra, diamondrako ianao ôh!

Ref:
Fa tiako, tiako!, tiako e!
Ilay tantaran-tsika ho lalaiko tsy hanam-paharoa.
Ho koloiko, tsy foiko, ho fihiniko e!
Ho mandra-maty sy ho lamban'akoho ny amin-tsika roa,
Ianao ilay amboarako.

Choeur:
Tiako!, tiako!, tiako e! (X2)

Fa tiako, tiako!, tiako e!
(Ilay tantaran-tsika ho lalaiko tsy hanam-paharoa)
Ho koloiko, tsy foiko, ho fihiniko e!
(Mba ho mandra-maty sy ho lamban'akoho ny amin-tsika roa, ôôôôôô!!! ôh!)

Tiako, tiako!, tiako e!
(Oh!!, ho lamban'akoho ooh!)
Ho koloiko, tsy foiko, ho fihiniko e!
(Mba ho mandra-maty sy ho lamban'akoho ny amin-tsika roa)
Ianao ilay amboarako.

(Ianao ilay amboarako!)
--------
Rohy:
Hametraka hevitra
Midira aloha
Momba ny hira
Mpihira : Njara Marcel
Vangy : 847
Mpankafy : 0 Ankafizo
Nampiditra : christophe17
Daty : 29/05/2023 18:52
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0754