Veloma (Lalao Rabeson)

Veloma, teny kely iray monja
Manambara fisarahana
Ny ranomaso mila hanonja
Tapitra ny fiarahana
                  
Mahafenofeno fo
Mamolivoly ny ao anaty
Hisaraka tokoa
Ny alahelo tsy ho tanty

Veloma  
‘Zay no fara-teny kely
Fara-teny,  
Fara-teny ifanaovana

Veloma,
Tsy hifanadino velively
Na ny handao,  
Na ny hilaozana

Tsy ho doria,  
Tsy ho doria fa mbola hihaona
Eny izay,  
Eny izay no faniriana
Mbola hisy,  
Mbola hisy lohataona
Hampiaraka any aoriana,
Veloma.  

Mpihira : Lalao & Salomon
--------