Hiaraka Hihira (Johary)

Manomboka mihilana amin’izay ny masoandro
Soava e !
Te hisaraka indray fa efa tsara ka voaray
Izay niarahana teto hatramin’izay
Ny lalana hodiavina toa lavitra akaiky
Soava e !
Te mba hody amin’izay fa efa vita ny anay
K’ianareo raha toa moa sahy dia taraiky

Hirahira sy mozika izay natao
Nampifamatotra antsika teto hatramin’izao
Ny fo sy ny saintsika samy faly
Miara-midoboka avy eo dia miara-mifamaly

Mampamangy, izay ny androany
Tsy maintsy manainga na dia mbola malaina
Mitsangana, mandehana
Izay vitantsika teto hozaraina

Tsy tafandry mandry izay efa miandry
Mody e !
Dia hisaraka amin’izay fa efa tsara ka voaray
Mbola maika hitantara amin’ny zoky sy zandry
Mba maika hikorana koa ny any an-tanana
Mody e !
Dia mba hody amin’izay fa efa vita ny anay
Tsy maintsy hisaraka ihany na mbola tamana

Faingàna, faingàna ho’aho ny dia e !
Soava e !

Hirahira sy mozika izay natao …
Mampamangy, izay ny androany …

Ny masoandro hilentika, volana hitranga
Ny hazavana tsy ho tapaka, hitohy tsy ho banga
Hotohizana hatrany an-tanana ny korana
Na tsy hiarahana aza fenoy hafanana

Mampamangy, izay ny androany …

Faingàna, faingàna ho’aho ny dia e !
Soava e ! Soava e !
--------