You are here: home > Tononkira > Jérôme Randria

Rakoto matilò (Jérôme Randria)



Ho takona, tsy ho tazana any ambadika any ho any
Ilay tananako,
Ho saraka, tsy ho hita hanoloana ny tavako
Ireo havako,
Hofan-tànan’olon-tiana, kopakopaka mosara
No hilaozako
Morontsiraka mafana, tora-pasika mandoro
No hovantaniko

Any an-dranomasina, any ambany lanitra mangina
No honenako
Alin-kintana amam-bolana sy rivotra madio
No malalako
Eny an-tokon-tanin-tsambo miaraka amin’ny gitara
No hirako
D’ireo hira izay fikalo, ireo hirahirantsika
Tena mamiko
  
       Veloma ry Iarivo, ry Iarivo mamin’ny fo
       Veloma mandra-pihaona, tsy hanadino anao
       Rakoto matilò
    tononkira.serasera.org   La-la-la-......

Raha sendra embonembona any ka voatonona
Ny anarako
Dia tsarovy fa manjohy anareo any koa ny eritreritro
Ireo sarin’ny sakaiza sy ny sarinao ry tiana
An-doha fandrianako
Isan’andro vao mifoha, na halina hatory
Ho voajeriko

Mety ho taona maro angamba, eny mbola tsy ho voafetra
Ny hiverenako
K’aza malahelo foana fa antenaiko hisy fihaonana
Anjarako
Amin’izay fotoana izay hifampiantoraka isika
Hifamihina
Ho eo imolotro indray ireo teny mamintsika
Fahizay

      Veloma ry Iarivo, ry Iarivo mamin’ny fo
      Veloma mandra-pihaona tsy hanadino anao
      Rakoto matolo
      La-la-la.......


Hametraka hevitra

Midira aloha

Mpihira : Jérôme Randria
Mpamaky : 3507
Mpakafy : 0 Ankafizo
Nampidirin'i : RAZAFINDRANAIVO Harilala
Tamin'ny : 13/11/2003 09:19:13
ID : 2097

Henoina (sombiny)

Sombiny ihany aloha no henonao eto fa azonao alahatra ao amin'ny RadioVazoGasy

Alaharo ao amin'ny RadioVazoGasy

Sokajy

Tondrom-peo

Hampiditra tondrompeo