Traina (Jeneraly)

Marobe ireo olona mitraina
Na ny maivan-doha izany na ny manan-tsaina
Mamely daholo
Hatramin’ny fotsy volo
Mian-dahy miam-bavy tena marina mafy
Fa ireo izay mahalala onona
Amin’ny antonona
No vanon-ko olona

Misy any am-bovo manao izay mety
Misy any ivelany miseho ho vedety
Hatrany amin’ny Gara
Ka hatrany amin’ny Bar
Ny sasany hita eny amin’ny mpivarotra masikita
Ka rehefa lany volabe
Tsy misy afa-tsy frais
Vao mandeha

Sao ianareo misaina avy hatrany
Fa izaho mitantara koa dia anisan’izany
Tandremo kely tsy izany velively
Fa raha indraindray kosa aloha izany tokoa
Kanefa izany tsy milaza
Fa ny bandy mamo lava
’Ty vava e!

Fa mampiresaka hono ny traina
Ary indraindray mampisokatra ny saina
Ireo saro-kenatra manjary sahisahy
Dia miboredika miteny vazaha
Na dia tsy hainy akory izay lazainy dia
Faly ny sainy e

Izaho izay mihira eto tsoriko amin’ty
Tsy nihira teto aho raha tsisy ny pi
Tsy saro-kenatra aho akory vahoaka ô!
Fa ny filinina no mety tsy hivoaka
Kanefa izany tsy milaza
Fa ny bandy mamo lava
'Ty vava e!

Fa na ny velona aza no mitraina
Ny razana dia tsy miala maina
Fa ny tena mba mahagaga kely
Ny razana tsy katry velively
Rehefa mahatanty sôka
Amin’ny herin’ny toaka
Tsy mitsoaka e!
--------