Ny fahoriana (Henri Ratsimbazafy)

(Nalaina tao amin'ny tononkira.serasera.org)
Ny fiainantsika olona
dia toy ny voninkazo
anio mamololona
rahampitso dia halazo
Raha tiana ho ranjanana
ka irina mba ho soa,
tsy maintsy ho rantsanana
mba hamokatra kokoa.


Ny tany voasoroka
ka navaina tsy ho mafy
no mainka mamparoroka
irony voa izay nafafy.
Ny orana milatsaka,
ny masoandro be migaina,
no miasa ahamasaka
ny voankazo an-jaridaina.


Ny vy tiana haranitra
dia velezina, asaina,
fa hain’Andriamanitra
ny mandranitra ny saina
Isika izay voahariny
dia tiany mba hizatra
ka toroiny sy anariny
amin-javatra mihatra.

Ref.
Nv faboriana izay midona
no misedra ny fanahy
ka raha mijoro tsy mirona
izay vao tena lehilahy.

Henri RATSIMBAZAFY
1970
--------
Rohy:
Hametraka hevitra
Midira aloha
Momba ny hira
Mpihira : Henri Ratsimbazafy
Vangy : 5302
Mpankafy : 1 Ankafizo
Nampiditra :
Daty : 24/02/2002 20:28
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.012