Ny endrikao (Henri Ratsimbazafy)

(Nalaina tao amin'ny tononkira.serasera.org)
Raha sendra hakiviana
ka tsy hita izay hatao
dia mitondra hafaliana
NY ENDRIKAO

Toa masoandro vao maraina
mampisava tsotra izao
irony zavon’adin-tsaina
NY ENDRIKAO.

Tena feno hazavana
izao tontolo izao
raha mirana mazana
IZANY ENDRIKAO

Fa maizina ny tany
ka manjombon-dava ao
raha lalovana tomany
NY ENDRIKAO.

Azoko ambara
tsotra izao
marobe no tsara
noho ianao
Nefa asa lahy
fa ny endrikao
no manintona ahy
lalandava izao...

Henri RATSIMBAZAFY 1961
--------
Rohy:
Hametraka hevitra
Midira aloha
Momba ny hira
Mpihira : Henri Ratsimbazafy
Vangy : 8524
Mpankafy : 0 Ankafizo
Nampiditra :
Daty : 24/02/2002 20:27
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0119