Gaga anao aho Raolombelona (GHABY RATSITO)

GAGA ANAO AHO RAOLOMBELONA

Gaga anao aho ho aho Raolombelona
Gaga anao aho amin’izato fihetsikao
Gaga anao aho fa voa vao mipenompenona
Fa rehefa faly aleo aho ho am’izao â !


Sendra mitobaka be ny harena
manehoheo ny voninahitra
ka sahy milaza manoha-tena
fa hoe tsy misy Andriamanitra
Ny anton’izany zareo dia fady
Tsy adala hono izy ka hitonantonana
Ny ambiansy amin’ny alahady
Ka dia hosimbany amin’ izay fiangonana


Eo koa ny daomy vao tena miady
Ny kapokaratra tsy hay tenenenina
Fa fialam-boly ny alahady
Dia mampiady ny dobla enina
Fivavahana tsy ilaina
Resaka atao hampandriana adrisa
Izy hono akory tsy kely saina
Ka hinohino izay paradisa


Kanjo izato izy raha voadona
Maizim-po, mivaloarika
Velan’ny Tompo ô mba mifona
mahavatra impito no mandohalika
mibaba etsy sy eroa
mirediredy an’izao sy zao
Velan’ny Tompo ô Ray tsitoha
Nahoana no manary ahy ianao ?
--------