MANANTENA (Apost)

(Nalaina tao amin'ny tononkira.serasera.org)
Tsy naniry ny ho avy eto an-tany
Fa tonga tsy fidiny
Rakofan’ny sompatra ny tomany
Mafaitra ny ngidiny
Ny sasany fadiranovana
Resy tanteraka
Miady saina sy torovana
Mivoady tsy hiteraka

‘Zany ve no lahatra, sy anjara
Sa tsy vintana,
Sao kosa lahy ratsy zara
Mitongilana
Fiainana zary kilalao
Mamy misy poizina
Ampy izay, manantena anao aho

Ny aretina moa tsy lazaina
Manaloka eny ihany
Mangirifiry, manaintaina
Mahalasa vinany
Indray andro ary tsy maintsy miala èty
Na tiana na tsy tiana,
Asa na mandrakizay doria
No tsy hietsika hangina

‘Zany ve no lahatra, sy anjara
Sa tsy vintana,
Sao kosa lahy ratsy zara
Mitongilana
Fiainana zary kilalao
Mamy misy poizina
Ampy izay, manantena anao aho

Speed :
Manantena aho f’indray andro any
Mbola hitsikin’ny vintana ihany
Ary mbola hitohy hatrany
Raha mbola tany koa ny tany

Manantena aho tsy kivy satria
Ady ny fianana èty
Manantena aho satria
Tsy vitan’irery ny àty

Ny ho resy dia sanatria
Ny èty tsy ho doria
Ka manantena anao
APOST 2001
--------
Rohy:
Hametraka hevitra
Midira aloha
Momba ny hira
Mpihira : Apost
Vangy : 4605
Mpankafy : 0 Ankafizo
Nampiditra : Hasimbola
Daty : 19/06/2002 15:10
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0736