MANAOVA RE NY MARINA (Antsan'i Fenomanana)

1- Fa nankaiza no toa adino tsy tsaroana
Toa nanjavona natelin’ny fandrosoana
Ireny harena sarobidy navelan’ny Razana taloha
Zary maty, natory tsy nifoha

2- Izao anefa no tsarovy
Mpivahiny izaho sy ianao
Izao rehetra izao anie mora miofo
Mbola ho avy ilay andro
Hiantsoany anao indray

3- Ka aiza re no hisy toerana mangina
Hiafenanao ny tavan’ilay nahary ?
Indrisy nofy izany!
Fa raha mbola velona amin’ity tany ity
Manaova ny marina.
--------