You are here: home > Tononkira > AmbondronA

Araraoty (AmbondronA)

Efa mifarana amin’zay ny taonan’ny fahazazana
Manomboka indray ny hatanorana
Nandalo teo ranjoky, ny ray aman-dreny ihany koa
Fotoana mamy indrindra fa mafy kokoa

Toy ny olon-drehetra, mitovy ny faniriana
Mba hahaleo-tena sy hanan’ olon-tiana
Mihevitra hoe fetsy, mandainga sy miseho be loha
Niaina izany avokoa ireo teo aloha

Fa ny anio toy ny omaly
Ny ampitso toy ny androany
Fa tsy maintsy ho toy izany
No iainanao

Araraoty fa andronao izao
Fantaro ny soa Tsiky dia ampysy ratsy, ho hainao ny hanavaka azy
Aza variana ianao
Izay vitanao izao no jinjainao rahatrizay

Tsy maintsy tojo adin-tsaina, indraindray voadona koa ny fo
Aza atao mahakivy, aza mamoy fo
Ankino ny ao Ambony, resaho izay atokisanao
Aza tazonina irery fa mba zarao

Fa ny anio toy ny omaly
Ny ampitso toy ny androany
Fa tsy maintsy ho toy izany
No iainanao

Araraoty fa andronao izao
Fantaro ny soa sy ratsy, ho hainao ny hanavaka azy
Aza variana ianao
Izay vitanao izao no jinjainao rahatrizay

Mpihira : AmbondronA
Mpamaky : 1811
Mpakafy : 0 Ankafizo
Nampidirin'i : ikalamako
Tamin'ny : 25/04/2019 12:10:13
ID : 11582

Henoina (sombiny)

Sombiny ihany aloha no henonao eto fa azonao alahatra ao amin'ny RadioVazoGasy

Alaharo ao amin'ny RadioVazoGasy

Sokajy

Tondrom-peo

Hampiditra tondrompeo