Ilay voalohany (Ny Ainga)

Ry vorona ô mikopaka iny an-danitra iny
Mba tazanao Ravolasoanirina izay e
Mijaly manan’olon-tiana
Misento an-tanan’olon-kafa
Fa nosoloiny an-tsokosoko ô
’Lay tany am-pita
Fa lavitry ny maso mantsy dia nafoiny

Ny fiainany nampoiziny ho tantely hatrany
Fa saingy re ny voky tsy mahaleo ny tsiaro
Ny safosafo eran’ny vatany
Mamoha sary avy ao anatiny
Ny orokoroka am-pandriana e
Zary toa matsatso
Tadidy foana mantsy hoy aho ilay voalohany

Ny lasa anie tsy mety maty e rey olona ô
Ny lasa anie misoka mora rey olona ô

Ilay nisantatra ny molony e
Raha nampiaraka fahiny e
Ilay nisantatra ny vatany
Any izay fa tsy hay kosehina

Tsaroany tena tsarony
Tadidy an’io fa tsy voakosoka e
Tsy levony tena tsy levony
Fa re manonja mangingina ry lahy e
Ooo E roy e izany mantsy ity fitia e
Fa hafa ihany hoy aho e
Hafa ihany ilay voalohany
Fa hafa ihany hoy aho e
Hafa ihany ilay taloha
Izany mantsy ilay voaloham-pitia e

Mitia anie ny tia fa mbola azo fitahina
F’ilay taloha mamela tsimoka ao an-tratra
Ny tia rehefa lasan-davitra
Vao mampisento manadala
Ilay ranomaso harivariva ooo
F’izy tsy hita intsony
Fa any ho any mantsy izay ilay tokana iny

Ooo
Ny lasa anie...
--------