TIAVO GASIKARA (HANITRA NENTIN-DRAZANA)

Raha ity tanintsika no andeha ho tantaraina
Be ny zavatra ambara sy azonay lazaina
Ka mba eritrereto sy saintsaino tsara
O! ô! Tanindrazana iombonana I Madagasikara

Ilay lova napetraka mba hiraisantsika
(Indrisy e!) Voasaraky ny hevitra sy ny pôlitika
Ka andeha re hiezaka samy hikarakara
O!ô! mba ho gasy miombona tsy mizarazara

Raha firenena no tantaraina ô!
Isika dia manana tsy zaraina
Tsy amidy vola tsy atakalo ô!
O! ô! K’aza avela ho rombahin’ireo mpandalo
Koa andeha re hiezaka sy hifanarako ô!
Mba hiaraka miaina amim-pitiavana ô!
Tsy hifandrafy na hifanavako ô!
O! ô! Ka na fotsy na mainty dia ho mpihavana

Na avy eto anivo na avy any anindrana
Malagasy izy ireny
Na olona manana na sahirana
Malagasy izy ireny
Ireo mpifoha maraina mankeny an-tsaha
Malagasy izy ireny
Na ‘reo tsy manam-bola ka tsy rangahy
Malagasy izy ireny
Na dia mpilanja angady be malabary
Malagasy izy ireny
Raha tsy misy an’ireny tsy mihinam-bary
Malagasy izy ireny
Ireo olona ambony fonkisionera
Malagasy izy ireny
Tena olona ilain’ny firenena
Malagasy izy ireny
Ireo izay nianatra taratasy
Malagasy izy ireny
Ilay hitana ny lakilasy
Malagasy izy ireny
Mba hitoviana amin’ny any an-dafy
Malagasy izy ireny
Ireo mpikarakara ny fivavahana
Malagasy izy ireny
Ilaina izy ireny ho mpanoro-lalana
Malagasy izy ireny

Koa andeha re hiezaka sy hifanarako ô!
Mba hiaraka miaina amim-pitiavana ô!
Tsy hifandrafy na hifanavako ô!
O! ô! Ka na fotsy na mainty dia ho mpihavana

Raha ity tanintsika no andeha ho tantaraina
Be ny zavatra ambara sy azonay lazaina
Ka mba eritrereto sy saintsaino tsara
O! ô! Tanindrazana iombonana I Madagasikara

Sao sodokan’ny hafa mamiratra sady tsara
Dia ilaozana handositr’i Madagasikara
Ny akoho mavondrazana tsy atakalo akanga
O! ô! Tsara soratra ireny fa tsy azo hiafarana

Misy firy ‘reo zanaka Malagasy
No nalefa nianatra tany an-dafy
Mba hifehy ny fahaizana taratasy
O! ô! Nefa isika toa mivarina kilasy
Nantenaina hiankinana any aoriana
Hialana amin’ty ngidim-pahoriana
Nefa mahatalanjona mahavariana
O! ô! Fa i Gasikara toa tratra aoriana

Misy maro ireo lasana Dokotera
Mba nankaiza izy ireny
Ao koa ireo nianatra Injeniera
Mba nankaiza izy ireny
Ny sasany nanjary Pasitera
Mba nankaiza izy ireny
Marobe no nanjary Direkitera
Mba nankaiza izy ireny
Maromaro ireo lasa mpanao afera
Nefa gasy izy ireny
Norebireben’ny fitiavan-tena
Nefa gasy izy ireny
Dia nanjary mpivarotra firenena
Nefa gasy izy ireny
Ny an’ny hafa banjinina sy jerena
Nefa gasy izy ireny
Ny an’ny tena hamavoina hosihosena
Nefa gasy izy ireny

Koa andeha re hiezaka sy hifanarako ô!
Mba hiaraka miaina amim-pitiavana ô!
Tsy hifandrafy na hifanavako ô!
O! ô! Ka na fotsy na mainty dia ho mpihavana

Tiavo ny taninao anie fa aza ariana
Tsy homeny ny an’ny hafa re fa aza variana
Raha menatra milaza hoe gasy
Komplekse, izay ‘lay ratsy

Raha manja ny any ivelany ny eto ko tsara
Ilaozy ny tsara soratra e! jereo Gasikara
Raha mety ny any dia hifindra lasy
Komplekse izay ‘lay ratsy

O! zama, ô! Zama
Ny hafatro aminao anie dia aza komplekse
O! zama, ô zama
Tiavo i Gasikara anie ka aza komplekse

RAKAZY
--------