AOKA ALOHA! AOKA ITSY! (HANITRA NENTIN-DRAZANA)

Zovy no tsy mahalala ô!
Fa sarotra ny miaina ety?
Hendry ianao fa tsy adala ô!
Ka aoka re! aoka itsy!
Sao lavo efa tsy afa-miala ô!
Vao hianatra hifankatia

Azafady aminao izay mihaino
Aza tsiny aminao izay mitazana ô!
Tena tiako an’ianao sombinaina
Ka meteza hatoroko lalana
O! ô! ô!!
Meteza hatoroko lalana ô!
Efa maro ireo mpifankatia
Nivoady fa hoe ho doria
Nefa indrisy vao tonga ny olana ô!
Ny efa vita aza mbola narodana ô!
O! ô! ô!
Ny efa vita aza mbola narodana ô!

Ho anao mafanafanan’ny fitia
Ka te hamboraka,
Miankavanana, miankavia ianao
Ka te hiantoraka
Tandremo fa saro-pady anie ny tena
Aza miantoratora-poana
Seminera aloha vonjena re
Sao midona amin’ny vody laona
Ry mpivady izay misanehaka
Efa anan’ny lazon’ady
Ny vao tsy manitra re no ratsy
F’ianareo efa galy fantsy
Miala maneno akoho
Maneno alika indray vao mody
Tsy te-hahita tava ilay vady
Ompaina iantsoana tody
Efa leon’ny mifamaly
Te hamonjy tribonaly
Sao tsy hay re ny nitia
Aoka aloha re! aoka itsy!
Meteza kely handini-tena
Ka andeha re vonjeo ny seminera

Azafady aminao izay mihaino
Aza tsiny aminao izay mitazana ô!
Tena tiako an’ianao sombinaina
Ka meteza hatoroko lalana
O! ô! ô!!
Meteza hatoroko lalana ô!
Efa maro ireo mpifankatia
Nivoady fa hoe ho doria
Nefa indrisy vao tonga ny olana ô!
Ny efa vita aza mbola narodana ô!
O! ô! ô!
Ny efa vita aza mbola narodana ô!

Ilay Ray fanimpanina
Tsy mba mety milamin-tsaina
Ny reny tsy mihinan-kanina
Satria ilay sombinaina
\"Je t’aime\" fotsiny ihany dia lasa
Hiverina ve sa asa?
Toa namelona zana-baratra
Kivikivy satria voaratra
Aoka kely re! aoka itsy!
Antsoy ireo mpifankatia
Malakilaky f’izao no LERA
’Ndeha re vonjeo ny seminera

Ry Dada sy Neny, zoky sy zandry
Ry manam-panahy tsy tafandry mandry
Tandremo mahazo vahana ny ditra ô!
Ny tsara tadiavinao indray no ritra
Mitanjozotra ny tanora
Mamonjy \"bal\" sy foara
manala azy vita baka
Nefa betsaka no voabaraka
Sarontsaronana amin-kirahira
Ka firifiry moa no voaviravira
Efa hatry ny ela izany, tany aloha tany
Izay lavo ihany anie no mihosina amin’ny tany
Raha tsy te ho maty hena
Seminera aloha vonjena
Ka aoka re! aoka itsy!
Vonjeo ity seminera ity.

Ireo vazaha milaza ho olo-mandroso ô!
Tsy miakatra ireny fa mikororosy ô!
Ny lehilahy indray no mifanambady
Ekena sy atao ny mariazy
Ny vavy koa dia toy izany
Tena loza amin’ny tany
Ny rainy ve?... i Caroline
Ny reniny?...i Jacqueline
Loza ity... fa dia naninona?
Seminera ihany aloha banjinina

Fitiavana e! Fitiavana!
Fitiavanae! raha voakolokolo
Mamy be
Fitiavana e! Fitiavana!
Tandremo fa misy izy ireny
\"Cadeau empoisonné\"



Tonony: Pasteur RAKOTOBE RAJAOMANJATO Dodaherisoa
Feony: RANAIVOSOLO William Casimir
Nandrindra: RAKAZY
Hira fanentanana: SEMINERA VONJEO NY FIANAKAVIANA 2005
FJKM ZOARA-FANANTENANA AMBOHIPO
--------