Tsy hay hadinoina (Gilles RAMIARISON)

TSY HAY HADINOINA
Tonony sy feony: Gilles RAMIARISON
=========================

Misy tany tsy hay hadinoina
Sarobidy sy mamin’ny fo
Io no tany tsy azo soloina
Nahabe nilalaovana koa
Eny, tsaroko rehefa miely
Fa mitapody an-tsaina indray
Ireo hirahira sy hehy lavareny
Ireo lalao fahizay

Misy andro tsy hay hadinoina
Mampanembona lava tokoa
Andro lasa tsy azo nantsoina
Fa matory sy tsy mba mifoha
Io no andro ny Fahazazana
Tsy mba nananana zava-manjo
Sady fotoana nihantahantana
Sy nampifaly ny fo !

Mbola misy tsy hay hadinoina
Izay namoly an-tsaina tokoa
Vita sary tsy azo vonoina
Tsara toerana, anatin’ny fo
Neny, nisotro ny rano tsy tiana
Dada, nihafy namelona anay
Ireo no olona tsy hadinoina
Lalaina mandrakizay !

Gilles RAMIARISON
--------