MIALA TSINY (Tiana)

MIALA TSINY
Miala tsiny aho madama raha nampiantso anao
Ny hevitra rehetra izay tsisy tsy natao
Ny ao aminareo angamba manao fati-drà
Tamin-dramatoa Negrita
Manasa tanana aho madama eto anatrehanao
Fa tsy afaka hiaro intsony an’ingahy vadinao
Izy mantsy rehefa tara fa miala vazo foana
Izaho no manao izay tokony ataony.
Fiv: Tsapako fa mafy, mangidy
       Ny manjo anao sy ny ankizy
       Tabataba, vono lava izao ô
       Gidragidra mila hankalao
  Efa nanao izay ho afany
  Na mpitsabo na magie
  Niala maina ô, aai ai ai an
  Efa nanao izay ho afany
  Na mpitsabo na magie
  Niala maina ô, aai ai ai an.

Miala tsiny aho madama fa tsoriko aminao
Tamin’ity nihoatra fefy ny ramosenao
Tsy nanaiky bon intsony i Tsen Tsing lu
Ny teo aloha hono tsy nisy voaloa
Very hevitra àry ingama fa nangatéta mafy
Sendra tenda zatra rano ka tsy nahay nihafy
Izy moa no mitana ny top secret
Natakalo bota ny lakile.
Fiv:...

Miala tsiny aho madama ô
Izaho nisava ny birao ô
Ireto sisa hita tao ô
Taratasi-na lisansimà
Boatin’yaourt ankiray
Plasitikam-boanjo maromaro
Karazana tongolo mifangaro ô
                                  TIANA
--------