Raha Fitia (RABL)

Raha toa hirahira ny fitia
Aleo hamoron-kira koa
Raha toa ny fitia ka vavaka,
Deraiko ANDRIAMANITRA.

Raha toa ny fitia ka adalana,
Aleoko any am-pigadrana,
Meloka eo anoloan’ny fitsarana,
Sazy tsy misy fiafarana.
Raha ny fitia no enti-mitia
Dia azonao tiavina aho.

Fiv: Tiavo aho mandrakizay,
Amin’ny fo, saina, fanahy,
Raha sitrakao tiavo aho
Mandritry ny androm-piainanao.
Tiavo aho hatrany ankoatra,
Ny fontsika hiaraka hivoatra
Zay ela indrindra raha azo atao,
Hisakaiza tsika sy ianao
Fa raha fitia ny fitia
Dia azonao tiavina aho.

Raha toa ny hanambadiana,
Tsy misy afa tsy fiterahana,
Satriko izy hitovy aminao,
Hitovy amiko koa.

Raha toa ny fitia ka toy ny ady,
Hiezaka aho mba ho be sandry,
Hifanandrina amin'dry zalahy,
Ho babo sy voafatotra
Raha ny fitia no enti-mitia
Dia azonao tiavina aho.

Fiv: Tiavo aho mandrakizay,
Amin’ny fo, saina, fanahy,
Raha sitrakao tiavo aho,
Mandritry ny androm-piainanao.
Tiavo aho hatrany ankoatra,
Ny fontsika hiaraka hivoatra
Zay ela indrindra raha azo atao,
Hisakaiza tsika sy ianao
Fa raha fitia ny fitia
Dia azonao tiavina aho. (x2)

RABL_2006
--------