Zôzô la moto (Bouboul (RAMBOATIANA Etienne))

Angano angano arira, kivazivazy an-kira
Atolotro anao izay mihaino ahy izao.
        "Teuf teuf teuf.... vroummm - moto anie izany é"
Zazalahy iray, mpianatra izy izay
Ny anarany dia Zôzô, mpitaingina moto
          Là  là  là ......

Azy ny tànana, miriotra izy tsy tàna
Toerana atsy sy eroa, tongany avokoa.  "Teuf teuf teuf"
Na lavitra izy any, dia fantatra avy hatrany
Ny fitefoky ny moto, moto-an’i Zôzô
          Là  là   là .....

Anaovany ny satro-by yy-y-y-yyy , dia jejojejo ery yy-y-y-yyy
Izaho koa mba nidonaka, amin’ny paozin’ilay àka
          "Teuf teuf teuf.... vroummm"
Lalovany ny hôpitaly, tsy faly ny marary
Amin’ny fitatatatan’ny moto, moto-an’i Zôzô
          Là   là   là......

Miseho izy ho sahisahy, amin’ny namany tovolahy
Miseho izy ho tena favy, amin’ny namany tovovavy
          "Teuf teuf teuf.... vroummm"
Miseho ho kinga bé-éé-é-é- ééé, eny amin’ny arabe éé-é-é-ééé
Mitsofotsofoka hatrany, exhibition hono izany
           Là   là   là.....

Indray andro izay, niseho izy hoe mahay
Nisasasasa be, kanjo... any an-kady re
            " T... e...e..u....f      t..e.u..f f      t... t ...t..eu..u..uf. "
            "Oh, nampalahelo Zôzô sy ny moto-any"

Ny milingilingy ihany, no potraka eto an-tany
Marina izany ô ô !!! hoy i Zôzô sy ny moto
            Là  là  là....
          
            "Zôzô ? nankaiza ny moto ? (ha ha ha)

            "Hay vé ô !!! (ha ha ha), hay nosoloina vélo! (ha ha ha)

Zôzô la moto.
--------