mathieueyZ ( 20/05/2016 14:14)

Indray takariva sembatsemban-drahona,
Teroa ambinan’Itsilazaina ilay falehako
Io lakan-kely iray natopatopan’ny alona,
Nikarenjy tanivon-drano tomorin’ny oram-baratra, Nanezakezaka ny hamonjy tora-pasika.

Nalefako teny an-tanana ny heritreritro,
Indreo eo ny mpianakavy e sasa-miandry amorom-pasika
Nively lamako injao manakoako,
Fa ho avy hono i Lemena ô! hitondra trondro vaovao, Rahoviana ihany lahy no hiverina i Lemena.(X2)

Nalefako eny anivon-drano ny fijeriko,
Indry eny i Lemena, Lemena sy ny lakany,
Natsipitsipin’ny onja ka naniditsidina,
Nony farany nilentika e rendrika tsy tazana,
Nantsoina ka dobok’onja no nanoina. (X2)

Mba nanao ahoana ny tao an-tanàna,
Indreo eo ny mpianakavy mbola miandry mbola sasa-miandry
Nively lamako injao mbola manako,
Fa i Lemena kosa e efa lasa nialoha lalana,
Veloma madinidinika i Lemena , Masina fatempatenana i Lemena.