AKOM-PAHATSIAROVANA (Ny Railovy)

Manonja toy ny onja
Izany fahatsiarovana izany
Tonga dia miritona
Miverimberina eo ihany

Fa ranomasina iny ê mangeniheny
Ny saiko lasan’ iny, sadaikatra hiteny
Nahita itony pejy sy ny anaranao
Voasoratra ao sy ao am-poko ao
Nandoro nahamay ny masoandrontsika
Nifanjohy, niray, ny dian-tongontsika
Ny sisa izay tavela mieloelo ao
Akon’ny hira ela, hatrao anatiko ao

Tsiaro mifangaro, zava-maromaro
tonga ao an-tsaiko ao

Eny mba hatraiza
Izany fahatsiarovana izany
Mangaina ny tontolo
Mipitrapitra manontany

Fa tany karakaina ny manoloana eto
Voary savolaina toronvandrovan-tsento
Ny manodidina ahy, voajeriko avokoa
Mitady ireo fanahy niainana taloha
Hitako ao ihany ilay hazo mamintsika
Voasoratra amin’ izany ireo anarantsika
Miverina mangina ao an-tsaiko ao
Ny tafa nifaliana avy eo imolotrao
--------