TSY HO ATO AN-TSAIKO (ROLF)

Mitadidy ny lasa aho
Reo torimaso nandao
Dia hitako avy ireo lozako
Milahatra eo alohako eo
Tsy matin-kambo amin'ny tenako aho
Somary menatra aza
Nilaozan-tena ity sitrapo
Na mifanjeva ny maraina

Raha nitodika aorianako aho
Tsy te hiverina handositra
Ka ny ho avy sisa antenaiko
Mba hanasitrana ahy

Mila fanafody aho
Mba handamina ny saiko
Na mampatory io na tsy haiko
Fa tsy ho tadidiko intsony
Miady mafy aho mba hanadino
Ny alahelo tsy fanahy iniana
Tiako hatory ny saiko
Amin'ny nofy aho no mba miaina

Raha torimaso tsy hita fehezina
No hanadinoakao azy
Tsy ato an-tsaiko intsony (6 fois)

Izao hariva izao indray
Potika aho
Midodododo lasa saina, lasa setroka aho
Tsaroako daholo ireo fotoana soa
Hifikirako amin'ny fiainana
Tsy ho lo

Dia nikimpy ny masoko
Vao maika loza Izy no hita
Manavatsava ao an-tsaiko* Mitsiky amiko
Tiako fafana ao an'eritreritro  
Ilay nanasazy

Raha mitodika aorianako aho
Tsy te hiverina handositra
Ka ny ho avy sisa antenaiko
Ireo pejiko ho rovitra

ref....Mila fanavotana aho
Hahitako tory
Na ody gasy io na fahagagana
Dia tsy mandaitra intsony
Miady mafy aho mba halaviro
Ny alahelo tsy fanahy iniana
Matoria re ry saiko
Amin'ny nofy aho no mba miaina

Raha torimaso re miverena
Mba hanadinoako azy
Tsy ho ato an-tsaiko intsony (2 fois)
--------