Tsy andavako anao (PRINCIO)

Raiki-tapisaka mipetapetaka anaty kidoroko
ilay fofonao izay manimanitra e
tsofon’ny rivotra mankaty anaty oroko
mamerovero mahafinaritra e
Hany ka tsy afaka an-dohako latsaka ho nofinofiko
Ilay endrikao maranindranitra e
Na maizi-kitroka, sady be setroka ny tontoloko
Vao lalovanao dia salanitra e

Ilay fombanao miantsampitsampy eo an-tsoroko
rehefa tojo andro sarotra e
Ilay feonao mibitsibitsika eo an-tsofiko
rehefa mila tsy haharitra
Ireo tananao mamihina ny lamosiko
indraindray toa mandrangotra e
ilay fihetsikao mandindihy eo amboniko
tsy mahare izay tany aman-danitra e.
izany rehetra izany (no ahatsiarovako anao)
ireny rehetra ireny (no tsy ahafoizako anao)
zay rehetra izay e (no hitiavako anao)
ireo rehetra ireo (no tsy andavako anao)

Matetitetika ianao, tampotampoka vao revireviko
mandalo ato amiko hitafa e
hanatanteraka ny kalokaloko sy revireviko
ilay nofinofy hafahafa e
fa toa tsy zakan’ny saiko, mipetraka ho redirediko
ny hahita anao any an-kafa e
na dia mibanaka be sady bobaka ny tebitebiko
vao lalovanao dia voafafa e

Izany rehetra zany e....
--------