Ilay sarinao (Henri Ratsimbazafy)

Hifandao isika fotoana maharitra,
izaho sy ianao hisaraka, hifanalavitra.
ka na ho ela na ho haingana
no tsy mba hifankahitana,
ho porofo mivaingana
ho jerijereko mazana...’

Ilay sarinao maneho ’lay endrika mamiko,
ilay sarinao no tsy mba miala eny amiko,
rehefa tsy eo ianao ka izaho ’lay mitoetra irery
dia ny sarinao no tiako hatao tsara jery.

Ary koa dia ho hitako mazava tsara
fa satria hataoko eo an-doha farafara
raha sendra aho ka manina,
na ory na tojo hafaliana,
dia tiako ho tazanina,
fa taratr’ilay olon-tiana..
--------