Mba tandremo kely lesy

Mba tandremo kely lesy (2)


‘ty fiainana ity anie ka be fikafika


Mba tandremo kely lesy


Mitolona lery mba ho tafita


Ny fandrika hiaraha-mahita


Zaran’olona aza ialahy midaraboka dia any dia tsy hita





Mba hevero kely lesy (2)


‘ty fahazarana variana fahiny


Mba hevero kely lesy


Be no lasa adala amin’iny


Azony izay rehetra niriany


Saingy zara raha miakanjo sy mivarilavo ankehitriny





Zandry a ! Ny tany anie ka malama maina


Tsy ampy lesy ny mitaraina

Vao tanora dia miharia sao refa drodroka tsy hanana hataina


Zandry a ! Tsy vita tranga lela ny miaina a


Tsy ampy lesy ny mitaraina


Sao ny namana niarahana ela tafita, ialahy tonga saina








Mba tandremo kely lesy (2)


Ny tendrim-po anie ka tsy mba akama


Mba tandremo kely lesy


Ny fo anie ka rano mafana


Ny teny lasalasa tsy tana


Mbola ho averina amin’ialahy rehefa tonga ny fotoam-pijinjana





Zandry a ! Ny tany anie ka malama maina


…





O mba saino kely lesy (2)


I dada sy i mama anie ka tsy ao intsony


O mba saino kely lesy


Ny hahatafita antsika no nimasoany


Ny hampisandratra an’ialahy ho ambony


Ny fahendrena no mba lova napetrany amin’ialahy, ka arovy





Zandry a ! Ny tany anie ka malama maina


…