Nofinofy (Ziva (Tarika Ziv))

(Nalaina tao amin'ny tononkira.serasera.org)
Efa ela ihany izay
Nifankafantaranay
Isaky ny tafahaona,
Mifampisangy foana
Raha misy manjo
Na ratsy na ny soa
Hiarahanay mizara avokoa

Toy ny mpianadahy
No nandraisany ahy
Nefa taty aoriana
Tsy mora ny hangina
Satria tsy haiko
Ny mpampandry ny saiko
Hoe mpinamana ihany
Tsy misy ankoatr'izany

Fiverenana:
Tena tia be azy aho
Fa nafeniko hatr'izao
Dia nataoko an-tsokosoko
Ilay ventsom-poko
Izy anefa tsy miraika
Izaho kosa toa vao maika
Babo manontolo
Ny foko efa tsara... kolo

Saingy nofinofy ihany
Izany rehetra izany
Efa hatry ny ela be
Izy no voafehy
Satria ny fony
Tsy ho ahy intsony
F'efa manan'olontiana
Tsy foiny ho ariana

Fiverenana:
--------
Rohy:
Hametraka hevitra
Midira aloha
Momba ny hira
Mpihira : Ziva (Tarika Ziv)
Vangy : 1144
Mpankafy : 1 Ankafizo
Nampiditra : nallisun88
Daty : 24/06/2021 18:52
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1813