Tsy handry fotsy (Tarika James)

TSY HANDRY FOTSY

1) - Madivadiva retsy, ry masoandro iry
      Hilentika any ambadiky ny bonga
      Ny rivotra injany e malefaka fitsoka
     Mitantana ny alina ho tonga.

2) - Ny vorona ireny mitanjozotra hody
      Hamonjy akany ery an-tendron-kazo,
      Haingano ny famindra e, ny ankizy anie ka miandry
      Miomana hitono mangahazo.

Ref.: Tsy handry fotsy anio (2f)
         Misaotra an’Andriamanitra lehibe.
         Tsy handry fotsy anio (2f)
         Misaotra ilay Nahary nanome.

3) - Raha azoko rombahina ny soa sy tsara indrindra,
      Rombahiko ho antsika hiainantsika
      Voarara tsy ho antsika iny, tsy azontsika sainina
      Lavitry ny fari-pianantsika

4) - Tsy fantatry ny havana ny varavarantsika
       Tambanivohikely hono isika,
       Ry zoky sy ry zandry aza, sahy mialangalana
       Tsy miditra ny tokantranontsika

Ref.: Fa tsy ho kivy isika e (2f)
         Misaotra an’Andriamanitra Lehibe
         Fa tsy ho kivy isika (2f)
         Misaotra ilay Nahary nanome.

5) - Mamirifiry retsy ny alina eto izany
      ’Ndeha ho etsy amorom-patana no hatory
      Rahampitso hanaraina e hamadika bainga,
      Hamita ireo lahasa an-tanimboly.

Ref.: Fa hisy avotra any e (2f)
         Misaotra an’Andriamanitra Lehibe
         Fa hisy avotra any e (2f)
         Misaotra ilay Nahary nanome.
--------