TSY GISITRA (RONDROBAIBOLY)

1°)
Aleoko gisitra amin’izao fiainana izao
nefa voalohany any an-danitra
Toy izay hahazo izao tontolo izao
Nefa tsy hahita an’Andriamanitra
Aleoko aza kely indrindra any an-danitra
Tsy maninona raha sady ory ety
Toy izay hiliba tsy maharitra
Sady ho faizin’ny devoly ary

ref
Nefa raha izaho tsy gisitra ety
Satria omban’ny fitahian’ny Tompo
Sady tsy hanaiky ho resy koa ary
Fa mbola hahazo ny fon’ny Tompo
Izany  no ivavahako andro aman’alina
Hiarentan-tory, hifadiana hanina
Handreseko ny ota samy hafa
’Zany no ankatoavako ny baiboly
Tsy itandroako aina hitory
Fa tsy variana ny fialam-boly

2)
aleoko mpamafa trano Pasitera
Nefa mpino mijoro tsara
Toy izay vedetiben’i losifera
Mpanan-karena nefa ratsy fiafara
Fa misy voa mafy indrindra eto an-tany
Eto ihany tsy mankaiza loatra
Efa tsy afaka mifikitra ihany
Sady tsy avotra koa ny any an-koatra

ref
3°)
Tsy ireharehana ny anton’izany
Fa itarihako anao handinin-tena
Ataoko inona ’zay rehaka an-tany
F’ianao no tiako mba hahazo fahendreana
Katsaho aloha ’zay hahazoana famonjena
Dia hanaraka ho azy ny eto an-tany
’Zay mahafaly ny tompo kendrena
Dia ho ambinina ianao am’zany

Dia isika tsy ho  gisitra ety
Satria omban’ny fitahian’ny Tompo
Sady tsy hanaiky ho resy koa ary
Fa mbola hahazo ny fon’ny Tompo
dia hivavaka isika na  na andro na alina
Hiari-tory si hifady hanina handresena ny ota samihafa
dia hankatoavintsika ny baiboly
Ka hiara-hiasa isika hitory
Handresena ny asan’ny devoly
--------